Saturday, October 30, 2010

" ಗುಟ್ಟು ಬಿಟ್ಟವರ್ಯಾರು ? "
 
ಅವಳಿಗೊಂದು ಗುಟ್ಟು ಹೇಳಿ 
'ಯಾರಿಗೂ ಹೇಳಬೇಡ ಎಂದೆ .
ಏಕೆಂದರೆ ಅವಳು ನನಗೆ 
ತುಂಬಾ ಬೇಕಾದವಳು .
 
ಅವಳಿಗೆ ಯಾರೋ ತುಂಬಾ
ಬೇಕಾದವರಿರಬೇಕು ,
'ನಿನಗೆ ಮಾತ್ರ ಹೇಳಿದ್ದೇನೆ ಯಾರಿಗೂ ಹೇಳಬೇಡ '
ಎಂದು ಆಕೆ ಅವರಿಗೆ ಹೇಳಿದಳು .
 
ಆ ಅವರಿಗೆ ಮತ್ತೆ  ಯಾರೋ 
ಆ ಮತ್ಯಾರಿಗೋ ಇನ್ಯಾರೋ 
ಈ ಇನ್ಯಾರಿಗೋ ಬೇರೆಯಾರೋ .
 
ಒಂದು ದಿನ ,ನಾನ್ಯಾರಿಗೆ ಬೇಕಾಗಿದ್ದೇನೋ 
ಅವರು ನನ್ನ ಕಿವಿಗೊಂದು ಗುಟ್ಟು ಇಟ್ಟು,
'ಇದನ್ನು ಯಾರಿಗೂ ಹೇಳಬೇಡಿ' ಎಂದರು .
 
ಈ ಕಥೆಯ ದುರಂತವೆಂದರೆ :
ನನಗೆ ಮೊದಲೊಬ್ಬರು ಹೇಳಿದ್ದ ಗುಟ್ಟು,
ನಾನು ಅವಳಿಗೆ ಹೇಳಿದ ಗುಟ್ಟು ,
ಈಗ ನನಗೇ ಬೂಮರಾಂಗ್ ಆಗಿದ್ದು. 
 
ಈಗ ನೀವು ಹೇಳಿ ,
ಹಾಗಾದರೆ ಇಲ್ಲಿ ಗುಟ್ಟು ಬಿಟ್ಟವರ್ಯಾರು ?
 
                                          @ ಶಿವಾ@
    

No comments:

Post a Comment