"   ಕೇಳೇ ಗೆಳತಿ .....  "                

 ಆಗ..

ನೀನಿದ್ದೆ .

ನಾನೂ ಇದ್ದೆ. 

    

ಈಗ .......?

ನೀನು ಇದ್ದೀಯ .

ನಾನು ಇದ್ದೇನೆ. 

ಆದರೆ....

ನಿನ್ನೊಡನೆ ನಾನಿದ್ದೇನೆ ನಿಜ .

ನನ್ನೊಡನೆ ನೀನಿಲ್ಲವೇ... ?

ಆದರೂ .....

ನಿನ್ನೊಂದಿಗೆ ನಾ ನಡೆದಾಡಿದ 

ಜಾಗಗಳಲ್ಲೆಲ್ಲ ನಾ ನಿನ್ನ ಅರಸುತ್ತೇನೆ .

ನೀ ಬರುವದಿಲ್ಲ ಎಂಬ 

ಖಚಿತ ಮಾಹಿತಿಯಿದ್ದರೂ 

ನಿನಗಾಗಿ  ಕಾಯುತ್ತ ಕೂರುತ್ತೇನೆ .

ನಿನಗೆ ಗೊತ್ತಾ,

ನಾವು ಕೂತು ಹರಟುತ್ತಿದ್ದ 

ಆ ಪಾರ್ಕಿನ ಬೆಂಚು ಕಲ್ಲಮೇಲೆ 

ಉದ್ದುದ್ದ ಹುಲ್ಲು ಬೆಳೆದು

ಕೊಯ್ಲಿಗೆ ಬಂದಿದೆ ಕಣೆ.

ಬಾಚಿ ತಬ್ಬಿಕೊಳ್ಳುತ್ತಿದ್ದ ನೀನು 

ಅದೇ ಪಾರ್ಕಲ್ಲೇ ತಾನೆ 

ಮತ್ತೆಂದೂ ತಬ್ಬಲಾರದಷ್ಟು 

ದೂರ 'ತಳ್ಳಿ' ಹೋಗಿದ್ದು!!.

ಒಂದು ಸತ್ಯ ಹೇಳಿಬಿಡುತ್ತೇನೆ ಕಣೆ ;

ಆಗ ನೀ ನನಗೆ ಕೊಟ್ಟಷ್ಟೇ ಪ್ರೀತಿಯನ್ನು 

ಈಗಲೂ ಮತ್ಯಾರಾದರೂ ಕೊಟ್ಟಾರು .

 

ಆದರೆ ...

ಈಗ ನೀ ಕೊಡುತ್ತಿರುವ 

ಯಾತನೆಯಿದೆಯಲ್ಲ ಅದನ್ನು 

ಯಾರೂ ಕೊಡಲಾರರು !!!

                                                                                                      @ ಶಿವೂ @